Íslenska landsliðið flýgur til Danmerkur síðdegis í dag, laugardag. Með í för verða fulltrúar Í blíðu og stríðu, þeir Benedikt Bóas Hinriksson og Elvar Geir Magnússon.

Breytingar hafa orðið á landsliðshópnum. Þeir Birkir Már Sævarsson og Baldur Sigurðsson koma inn í hópinn í stað Grétars Rafns Steinssonar og Brynjars Bjarnar Gunnarssonar.

Áfram Ísland stuðningmannaklúbburinn er búinn að skipuleggja upphitun fyrir Danaleikinn. Leikurinn verður núna á þriðjudaginn 7. september á Parken og byrjar kl 20:15 að staðartíma, 18:15 að íslenskum tíma.

Strákarnir okkar í íslenska landsliðinu biðu lægri hlut í sínum fyrsta leik í undankeppni Evrópumótsins. Þeir töpuðu 1-2 á Laugardalsvelli fyrir Noregi í kvöld.

Ólafur Jóhannesson, landsliðsþjálfari, hefur tilkynnt byrjunarlið sitt sem mætir Norðmönnum í undankeppni fyrir EM 2012. Leikurinn fer fram á Laugardalsvelli og hefst núna kl. 19:00. Hægt er að kaupa miða í miðasölu Laugardalsvallar sem og á netinu.