Ísland mætir sjálfum heimsmeisturum Frakka á laugardaginn í undanúrslitum Evrópumótsins. Þetta er ljóst eftir að riðlakeppnin kláraðist nú í kvöld. Þá er líka ljóst að Ísland er komið á HM í Svíþjóð þar sem þrjú efstu liðin komast þangað, en Frakkar eru þegar komnir þangað þar sem þeir eru heimsmeistarar. Undanúrslitaleikurinn gegn Frökkum hefst klukkan 13.00 að íslenskum tíma. Við eigum harma að hefna gegn Frökkum eftir að hafa tapað fyrir þeim í úrslitaleiknum á Ólympíuleikunum. Ísland lenti í öðrum sæti í sínum milliriðli á eftir Króötum sem unnu Dani 27-23 í kvöld og Frakkar í fyrsta sæti í sínum milliriðli eftir sigur á Pólverjum. Króatar og Pólverjar mætast því í hinum undanúrslitaleiknum fyrr á laugardaginn.