Vefsíða Morgunblaðsins greinir frá því að Brynjar Björn Gunnarsson verður ekki með í landsleiknum gegn Noregi á föstudagskvöld vegna meiðsla.

Brynjar meiddist á læri í leik með Reading gegn Leicester í ensku 1. deildinni um síðustu helgi og hefur ekki náð að jafna sig á þeim meiðslum.

Þessi öflugi miðjumaður er reynslumesti landsliðsmaðurinn sem valinn var í hópinn fyrir þessi verkefni gegn Noregi og Danmörku. Brynjar hefur leikið 74 A-landsleiki fyrir Íslands hönd.