Keflavík kemur mikið við sögu hjá íslenska landsliðinu í undirbúningi sínum fyrir fyrstu leikina í undankeppni EM. Landsliðshópurinn kom saman á mánudaginn og hefur verið í Keflavík síðan, gist þar og æft við flottar aðstæður á heimavelli Keflvíkinga en eins og frægt er var nýtt gras lagt á þann völl í sumar.

Í dag, fimmtudag, kemur hópurinn svo til Reykjavíkur og æfir á Laugardalsvellinum. Hann gistir svo í Reykjavík næstu nótt en á föstudaginn er komið að stóru stundinni þegar leikið verður gegn Noregi.

En það er skammt stórra högga á milli og strax á laugardag verður haldið til Keflavíkur aftur, að þessu sinni á Keflavíkurflugvöll. Haldið verður til Kaupmannahafnar enda leikið gegn Danmörku strax næsta þriðjudag.

Mynd: Þjálfarar landsliðsins, Ólafur Jóhannesson og Pétur Pétursson. Heimasíða KSÍ.